Exodus 25:10-40

10 arcam de lignis setthim conpingite cuius longitudo habeat duos semis cubitos latitudo cubitum et dimidium altitudo cubitum similiter ac semissem

11 et deaurabis eam auro mundissimo intus et foris faciesque supra coronam auream per circuitum

12 et quattuor circulos aureos quos pones per quattuor arcae angulos duo circuli sint in latere uno et duo in altero

13 facies quoque vectes de lignis setthim et operies eos auro

14 inducesque per circulos qui sunt in arcae lateribus ut portetur in eis

15 qui semper erunt in circulis nec umquam extrahentur ab eis

16 ponesque in arcam testificationem quam dabo tibi

17 facies et propitiatorium de auro mundissimo duos cubitos et dimidium tenebit longitudo eius cubitum ac semissem latitudo

18 duos quoque cherubin aureos et productiles facies ex utraque parte oraculi

19 cherub unus sit in latere uno et alter in altero

20 utrumque latus propitiatorii tegant expandentes alas et operientes oraculum respiciantque se mutuo versis vultibus in propitiatorium quo operienda est arca

21 in qua pones testimonium quod dabo tibi

22 inde praecipiam et loquar ad te supra propitiatorio scilicet ac medio duorum cherubin qui erunt super arcam testimonii cuncta quae mandabo per te filiis Israhel

23 facies et mensam de lignis setthim habentem duos cubitos longitudinis et in latitudine cubitum et in altitudine cubitum ac semissem

24 et inaurabis eam auro purissimo faciesque illi labium aureum per circuitum

25 et ipsi labio coronam interrasilem altam quattuor digitis et super illam alteram coronam aureolam

26 quattuor quoque circulos aureos praeparabis et pones eos in quattuor angulis eiusdem mensae per singulos pedes

27 subter coronam erunt circuli aurei ut mittantur vectes per eos et possit mensa portari

28 ipsosque vectes facies de lignis setthim et circumdabis auro ad subvehendam mensam

29 parabis et acetabula ac fialas turibula et cyatos in quibus offerenda sunt libamina ex auro purissimo

30 et pones super mensam panes propositionis in conspectu meo semper

31 facies et candelabrum ductile de auro mundissimo hastile eius et calamos scyphos et spherulas ac lilia ex ipso procedentia

32 sex calami egredientur de lateribus tres ex uno latere et tres ex altero

33 tres scyphi quasi in nucis modum per calamos singulos spherulaque simul et lilium et tres similiter scyphi instar nucis in calamo altero spherulaque et lilium hoc erit opus sex calamorum qui producendi sunt de hastili

34 in ipso autem candelabro erunt quattuor scyphi in nucis modum spherulaeque per singulos et lilia

35 spherula sub duobus calamis per tria loca qui simul sex fiunt procedentes de hastili uno

36 et spherae igitur et calami ex ipso erunt universa ductilia de auro purissimo

37 facies et lucernas septem et pones eas super candelabrum ut luceant ex adverso

38 emunctoria quoque et ubi quae emuncta sunt extinguantur fient de auro purissimo

39 omne pondus candelabri cum universis vasis suis habebit talentum auri mundissimi

40 inspice et fac secundum exemplar quod tibi in monte monstratum est

Exodus 25:10-40 Meaning and Commentary

INTRODUCTION TO EXODUS 25

In this chapter an order is given for a freewill offering towards various things for the worship and service of God, and the materials to be offered, which would be useful and acceptable, are mentioned particularly, Ex 25:1-7, as also another order to build a sanctuary for God, after a model that he would give, Ex 25:8,9, and, an ark to put in the law on tables of stone, the fashion of which, and the various things belonging to it, are described, Ex 25:10-16, and a mercy seat with cherubim on it to be set over the ark, where the Lord promises to meet Moses and commune with him, Ex 25:17-22 and a table with various appurtenances to it to place the shewbread on, Ex 25:23-30 and a candlestick of gold, whose parts are described, and all the instruments relative to it, Ex 25:31-40.