15
et similiter fluctus maris et ipsi cogitaverunt cogitationem et dixerunt: venite ascendentes debellemus silvam campi, ut et ibi consummemus nobismet ipsis aliam regionem.
16
et factus est cogitatus silvae in vano, venit enim ignis et consumpsit eam.
17
similiter et cogitatus fluctuum maris, stetit enim harena et prohibuit eam.
18
si enim eras iudex horum, quem incipiebas iustificare aut quem condemnare?
19
et respondi et dixi: utrique vanam cogitationem cogitaverunt, terra enim data est silvae, et maris locus portare fluctus suos.